बझाङ– बझाङमा सोमबार अपराह्न भएको जीप दुर्घटनामा ज्यान गुमाउनेको संख्या १० पुगको छ । दुर्घटनामा अन्य ५ जना घाइते भएका छन् ।

सोमबार सदरमुकाम चैनपुर नजिकै डुग्रीबाट कोटदेवल जाने क्रममा मष्टा गाउँपालिका १ कोटदेवल नजिकै से १ ज १०७२ नम्बरको जीप दुर्घटना भएको हो ।

दुर्घटनामा मष्टा गाउँपालिका १ का कलक बहादुर खड्का, उनकी श्रीमती जुनधारा खडका, छोरा सरोज खडका, सोही ठाउँका नैन खड्का, धौली खड्का, जुना खड्का, भक्त द्धाल, चालक सुरेन्द्र थापा र लक्ष्मी द्धालको मृत्यु भएको हो ।

संगीता खडका, अनिता द्घाल, जनक द्घाल, गोकुल शाही घाइते भएको जिल्ला प्रहरी कार्यालय बझाङका डीएसपी सुर्य बहादुर केसीले जानकारी दिए । जीप सडक भन्दा झण्डै ५ सय मिटर तल खसेको थियो ।