एजेन्सी– अनुसन्धानकर्ताहरुले पश्चिमी चीनको केही क्षेत्रमा गाँजाको बोटको उपयोगको शुरुवातको प्रमाण फेला परेको दाबी गरेका छन् ।

अनुसन्धानका अनुसार गाँजाको बोटको उपयोग २ हजार ५ सय वर्ष पहिलाबाट गरिएको थियो । र, यो शायद त्यस समयको परम्परा या धार्मिक गतिविधिसँग जोडिएको थियो ।

गाडिएको अवस्थामा फेला परेका काठमा गाँजाको ज्वलन पदार्थबाट यसको पहिचान भएको हो ।

गाँजामा साइकोएक्टिव कम्पाउन्ड टीएचसीको उच्च स्तर पाइएको छ । मानिसहरु यसको प्रभावमा राम्रोसँग जानकार रहेको अनुमान गरिएको छ ।

पूर्वी एशियामा गाँजाको बोटको खेती कम्तिमा पनि ४ हजार इसा पूर्व भएको थियो । गाँजाको तेल र फाइबरका लागि यसको उत्पादन शुरु भएको थियो ।

गाँजाको शुरुवाती खेतीमा टीएचसीको मात्रा निम्न स्तरमा पाइन्थ्यो । गाँजाको यो ज्वलन पदार्थ उच्च पहाडी क्षेत्रमा फेला परेको छ ।

वैज्ञानिकहरुका अनुसार त्यतिबेलाका मानिसले गाजाँको बोट बाट बनेको अफिमलाई आगोमा जलाएर त्यसको प्रयोग प्रयोग गर्थे ।

उच्च वातावरणमा गाँजाको बोटमा टीएचसी बढी हुने बताइएको छ, किनकी उच्च स्थानमा तापक्रम र पोषक तत्व कम हुन्छ ।
अध्ययनबाट यो प्रस्ट भएको छ कि गाँजाको बोट नशाका लागि प्रयोग हुन्थ्यो ।

चीनको शिनजियांग क्षेत्रमा र रुसको अल्टाई पहाडमा फेला परेको प्रमाणमा पनि गाँजा फेला परेको दाबी गरिएको छ । यसका अलावा यहाँ पाइएको मानिसको हड्डिमा गरिएको परीक्षण अनुसार केही मानिस स्थानीय थिएनन् । उनीहरुको विकास उक्त स्थानमा भएको थिएन ।

जर्मनीका जेनामा म्याक्स प्लैंक इन्स्टीच्यूट फर द साइन्स अफ ह्युमन हिस्ट्रीका निर्देशक निकोल बोइविनले भने,‘योज यो कुराको समर्थन गर्छ कि सबैभन्दा पहिला गाँजाको बोटको उपयोग पूर्वी मध्य एशियाको पहाडी क्षेत्रमा भएको थियो, पछि यो पूरै विश्वमा फैलिएको थियो ।’