वीरगञ्ज– इलाका प्रहरी कार्यालय पटेर्वा सुगौलीले ३६५ किलो लागुऔषध गाँजा र चरेश बरामद गरेको छ ।
पटेर्वा सुगौली गाउँपालिका–४ देउरीया टोलको एक घरमा छापा मारेर प्रहरीले ३५८ किलो गाँजा र सात किलो चरेश बरामद गरेको प्रहरी निरीक्षक आशिष अधिकारीले जानकारी दिए ।
प्रहरीले सोही ठाउँबाट चरेश बनाउने तीन वटा मेसिन, प्याकिङ गर्ने तीन बोर प्लाष्टिक र १९ थान काठको फर्मा समेत बरामद गरेको छ । अवैध रुपमा लागुऔषध भण्डारण गरी राखिएको सूचना प्राप्त भएपछि देउरिया टोलका तुसर माझिको घरमा छापा मार्दा उक्त लागुऔषध भेटिएको हो ।
प्रतिक्रिया