काठमाडौं -नेपालको एभ्रेष्ट प्रिमियर लिग (ईपीएल) क्रिकेटको २०१७ को संस्करण खेलेका पाकिस्तानका ब्याट्सम्यान आसिफ अलि विश्वकप २०१९ खेल्ने १५ सदस्यीय टोलीमा छनोट भएका छन् ।

यसअघि घोषणा भएको १५ सदस्यीय टोलीमा नअटाएका अलि र तिव्र गतिका बलर मोहम्मद अमिरलाई पाकिस्तानका मुख्य प्रशिक्षक मिक्की आर्थर, कप्तान सरफराज अहमद र छनोट टोलीका प्रमुख इन्जमान उल हकले टोलीमा आवद्ध गरेका हुन् ।

यसअघि टोलीमा परेका अर राउण्डर फाहीम अर्शाफ र अबिद अलिलाई टोलीबाट हटाइएको छ । अलिले सन् २०१७ मा नेपालको चर्चीत ट्वान्टी–२० फ्रेन्चाईज लिग ईपीएलमा पोखरा राइनोजबाट खेलेका थिए ।

यस्तो छ पाकिस्तानी टोली

सर्फराज अहमेद (कप्तान), बाबर आजम, फखर जमान, हरिस सोहिल, हसन अली,इमाद वासिम, इमाम उल, जुनिद खान, मोहमद हाफिज, मोहमद हसन, शादब खान, शाहिन साह अफ्रिदी, शोयब मल्लिक, आसिफ अलि र मोहम्मद अमिर।