काठमाडौं– प्रमुख निर्वाचन आयुक्तमा सिफारिस भएका दिनेश कुमार थपलिया संसदीय सुनुवाइ समितिबाट सर्वसम्मत रुपमा अनुमोदन भएका छन् ।

संसदीय सुनुवाइ विशेष समितिले बुधबार थपलियालाई सर्वसम्मत रुपमा अनुमोदन गरेको हो ।

समितिले बुधबार दिउँसो थपलियाको सुनुवाइ गरेको थियो ।

सुनुवाइपछि समितिका सबै सदस्यको सर्वसम्मतिबाट थपलियाको नाम अनुमोदन भएको संसदीय सुनवाइ समितिका सभापति लक्ष्मणलाल कर्णले जानकारी दिए ।

संघीय मामिला तथा सामान्य प्रशासन मन्त्रालयका निर्वतमान सचिव थपलिया निजामति सेवाबाट निवृत्त भएको १ महिना पनि नपुग्दै निर्वाचन आयोगको प्रमुख आयुक्तमा अनुमोदन भएका हुन् ।

सुनुवाइ समितिले अनुमोदन गरेसँगै राष्ट्रपतिबाट शपथ ग्रहण गरेपछि थपलियाले प्रमुख निर्वाचन आयुक्तको पद्भार ग्रहण गर्नेछन् ।

संसदीय सुनुवाइ समितिले थपलियासँगै समावेशी आयोगकी सदस्य विष्णुमाया ओझाको नाम पनि सर्वसम्मत रुपमा अनुमोदन गरेको छ ।