काठमाडौं– आईसीसी विश्वकप क्रिकेट २०१९ खेल्ने इङ्गल्याण्ड क्रिकेट टोलीको घोषणा भएको छ ।

इङ्गल्याण्ड क्रिकेट बोर्डले बुधबार विश्वकप २०१९ खेल्ने टोलीको घोषणा गरेको हो ।

विश्वकप २०१९ खेल्ने टोलीको कप्तानमा इयोन मोर्गन छन् । टोलीमा मोइन अली, जानी बेयरस्टा, जोस बटलर, टम कुरान, जो डेनली, एलेक्स हेल्स, लियम प्लुंकेट, आदिल रशीद, जो रूट, जेसन रोइ, बेन स्टोक्स, डेविड विल्ली, क्रिस वोक्स र मार्क वूड छन् ।

मे ३० देखि जुलाई १४ सम्म इङ्गल्याण्ड र वेल्समा संयुक्त रुपमा आयोजना हुने विश्वकप क्रिकेटका लागि सहभागी राष्ट्रहरुको टोली घोषणा हुने क्रम जारी छ । यसअघि बंगलादेश, न्यूजिल्याण्ड, भारत र अस्ट्रेलियाले विश्वकप खेल्ने टोलीको घोषणा गरिसकेका छन् ।