काठमाडौं– आजको नयाँ पत्रिका दैनिकले स्मार्ट लाइसेन्सको वितरणदेखि प्रयोगमा देखिएको समस्याका विषयमा मुख्य समाचार छापेको छ । साढे सात लाख स्मार्ट लाइसेन्सेन्स वितरण, कार्ड पढ्न ट्राफिकसँगै एउटै पनि मेसिन नभएको समाचारमा उल्लेख छ।

समाचारमा लेखिएको छ– स्मार्ट कार्डमा चिप्स छ, तर त्यो भित्र भएका सूचना पढ्ने त परै जाखोस् कार्ड नक्कली हो कि सक्कली भन्नेसमेत ट्राफिक प्रहरीलाई थाहा हुँदैन । यातायात व्यवस्था विभागका महानिर्देशक कृष्णप्रसाद दाहालले एक सय रिडर भएको तर सफ्टवेयर नै नभएकाले थन्किएको तर्क गरेका छन् ।

कार्ड छापिए, तर दुई वर्षदेखि धाउने सेवाग्राहीले पनि पाएनन्, डेढ लाख स्मार्ट लाइसेन्स यातायात कार्यालयमै रहेको समाचारमा उल्लेख छ । महानगरीय ट्राफिक प्रहरी महाशाखाका एसएसपी वसन्तपन्तले ट्राफिक प्रहरीलाई तालिम दिइएको छ । उनीहरुले कार्ड हेरेरै नक्कली, सक्कली छुट्याउन सक्ने बताए।

त्यस्तै नयाँ पत्रिकाले प्रधानमन्त्री निवासमा करोडको सीसीक्यामरा शीर्षकमा अर्को समाचार पनि पहिलो पृष्ठमा छापेको छ।

सरकारले प्रधानमन्त्रीनिवासमा एक करोड मूल्यको सीसीक्यामरा जडान गरेको छ । अर्थ मन्त्रालयका अनुसार विशेष भवन निर्माण तथा सम्भार डिभिजनका नाममा चैतमा एक करोड रुपैयाँ रकामान्तर निकाशा भएको छ ।

यो रकम प्रधानमन्त्रीनिवास बालुवाटारमा सीसीक्यामरा जडानमा खर्च भएको जनाइएको छ।

त्यस्तै तराई– मधेश सडक पूर्वाधार आयोजना अन्तर्गत प्रधानमन्त्री केपी शर्मा ओलीको गृहजिल्ला झापामा विभिन्न आयोजनाका नाममा २० करोड रुपैयाँ रकमान्तर निकासा भएको छ ।

अर्थमन्त्रालयका अनुसार झापाको लक्ष्मीपुर–घैलाडुब्बा सडककाला लिाग पाँच करोड, झापाचोक–भद्रपुर– विर्तामोड सडकका लागि १० करोड र अल्टाबारी–गौरीग्रन्ज–पाडाजुँगी सडकका लागि पाँच करोड रकमान्तर भएको समाचारमा जनाइएको छ ।