काठमाडौं– आगामी तीन दिन मौसममा वदली हुने मौसम पूर्वानुमान महाशाखाले जनाएको छ ।

आइतबार दिउँसो देशको अधिकांश स्थानको मौसममा समान्य बदली रहने र देशको पश्चिमी क्षेत्र तथा मध्य र पूर्वी क्षेत्रको पहाडी भेगका एक दुई स्थानमा मेघ गर्जनसहित हल्का वर्षाको सम्भावना रहेकोे छ ।

त्यस्तै सोमबार देशको पहाडी भूभागमा आंशिक बदली रहि बाँकी भूभागमा मौसम सामान्यतया सफा रहने र देशको पश्चिमी पहाडी भेगका एक दुई स्थानमा हल्का वर्षा हुने अनुमान विभागले गरेको छ ।

मंगलबार देशका धेरैजसो भूभागमा आंशिक देखि समान्य बदली रहने पूर्वानुमान गरिएको छ । मंगलबार देशको पश्चिमी पहाडी क्षेत्र तथा मध्य तथा पूर्वी क्षेत्रको पहाडी भेगका थोरै स्थानहरुमा मेघ गर्जनसहित हल्का वर्षाको सम्भावना रहेको मौसम पूर्वानुमान महाशाखाले जनाएको छ ।