धनगढी– कैलालीको धनगढीमा १ जना युवकको सौचालयमा लडेर मृत्यु भएको छ ।
जिल्ला प्रहरी कार्यालय कैलालीका अनुसार धनगढी उपमहानगरपालिका–३ का ३१ वर्षीय रोशन बमको सौचालयमा लडेर मृत्यु भएको हो ।
सोमबार बेलुका सौचालय गएका बम बेहोस अवस्थामा फेला परेका । स्थानीयको सहयोगमा उपचारका लागि माया मेट्रो अस्पतालमा पु¥याए पनि उपचारका क्रममा उनको मृत्यु भएको प्रहरीले जनाएको छ ।
प्रहरीले घटनाको प्रारम्भिक अनुसन्धानबाट उनको सौचालयमा लडेर मृत्यु भएको हुनसक्ने जनाएको छ ।
यद्यपि घटनाको थप अनुसन्धान भइरहेको प्रहरीले जनाएको छ । मृतक बमको शव पोस्टमार्टमका लागि धनगढीस्थित सेती प्राविधिक अस्पतालमा राखिएको छ ।
प्रतिक्रिया