नयाँ दिल्ली– भारत सरकारले आफ्नो स्वामित्वमा रहेको हवाई कम्पनी एयर इन्डिया र तेल रिफाइनरी भारत पेट्रोलियम कर्पोरेशन (बीपीसीएल) बिक्री गर्ने भएको छ ।

वित्त मन्त्री निर्मला सीतारणका अनुसार आगामी मार्च महिनासम्म दुवै कम्पनी बिक्री गर्ने प्रक्रिया पूरा हुने छ ।

टाइम्स अफ इन्डियालाई दिएको अन्तर्वार्तामा वित्त मन्त्री सीतारमणले भनेकी छन्– दुई कम्पनीका विषयमा हाम्रा जुन योजना छन्, आगामी वर्ष (सन् २०२०)को शुरुवातमै तिनलाई पूरा गरिने छ ।

वित्त मन्त्री सीतारणमले दुवै कम्पनी बिक्री गरेवापत सरकारलाई चालू आर्थिक वर्ष (२०१८–०२०) मा १ लाख करोड भारु फाइदा हुने छ ।

भारत सरकारले अघिल्लो वर्ष पनि एयर इन्डियालाई निजी क्षेत्रसँग बिक्री गर्ने योजना बनाएको थियो । तर, त्यतिबेला लगानीकर्ताहरुले एयर इन्डिया खरिदमा त्यति चासो दिएका थिएनन् ।