काठमाडौं – आजदेखि शुरु भएको वुमन्स च्याम्पियन्स लिगको उद्घाटन खेलमा चितवन राइनोज वुमन्सले जित हात पारेको छ ।

किर्तिपुरस्थित त्रिभुवन विश्वविद्यालयको क्रिकेट मैदानमा भएको खेलमा चितवन राइनोजले काठमाडौं क्विन्सलाई ५ विकेटले पराजित गर्यो ।

काठमाडौंले दिएको ९३ रनको लक्ष्य चितवनले  १८. ३ ओरभमा ५ विकेट गुमाएर पुरा गर्यो ।

चितवनका लागि सुमन खतिवडाले  २९ रन बनाउँदा पिरता कनौजियाले १४ रन र काजल श्रेष्ठले ११ रन बनाउँदा नटआउट रहेकी प्रीया चौधरीले २४ रन बनाइन् ।

यता चितवनविरुद्ध बलिङ गरेको काठमाडौंका लागि इश्वरी बिष्टले २ विकेट लिइन् भने लक्ष्मी साउद, सरस्वती कुमारी र संगिता राईले समान एक–एक विकेट लिएकी थिइन् ।यसअघि पहिलो ब्याटिङ गरेको काठमाडौंले निर्धारित २० ओरभ खेल्दै सबै विकेट विकेट गुमाएर ९२ रन मात्रै बनाएको थियो ।

जसमा काठमाडौंका लागि ओपनिङ ब्याटर रश्मी चौलागाईले ३४ रन बनाएकी थिइन् । उनले २५ बलमा ७ चौकाको मद्दतमा उक्त रन जोडेकि हुन् भने सरस्वी कुमारीले १५ रन बनाउँदा अन्य ब्याटरहरुले राम्रो रन जोड्न सकेन् । जसमा ९ जनाले दोशोरो अंक जोड्न सकेनन् ।

काठमाडौं विरुद्ध सन्तोषी चौधरीले ३ विकेट लिँदा रेखा रावल र कविता गौतमले समान २–२ विकेट लिइन् भने रितु कनौजियाले एक विकेट हात पारिन् ।