काठमाडौं – संसदीय समितिले मंगलबारदेखि १३ औं दक्षिण एसियाली खेलकुद (साग) का खेल आयोजना स्थलको निरीक्षण गर्ने भएको छ ।

संसदीय समितिका सदस्य तथा नेपाल ओलम्पिक कमिटीका अध्यक्ष जीवनराम श्रेष्ठको नेतृत्वमा संसदीय टोलीले खेल आयोजना स्थलको निरीक्षण गर्न लागेको हो ।

मंगलबार दिउँसो १२ बजेदेखि श्रेष्ठको नेतृत्वमा पाँच सदस्यीय समितिले साग उद्घाटन स्थल दशरथ रंगशालाबाट निरीक्षण शुरु गर्ने छ ।निरीक्षण समितिको संयोजकमा श्रेष्ठ रहेका छन् भने सदस्यहरुमा एकबाल मियाँ, जमेन्द्र महत, नमिता चौधरी र नारायण मरासिनी छन् ।

समितिले सागका खेलस्थलको निरीक्षण गरेर खेलस्थलको निर्माण कार्य, तयारीलगायतमा भएको प्रगतिको अवस्था बुझेर रिपोर्ट तयार पार्नेछ । उक्त रिपोर्ट मूल आयोजक समितिलाई बुझाउनेछ ।

साग आगामी मंसिर १५ देखि २४ गतेसम्म काठमाडौं र पोखरामा आयोजना हुने गरि मिति तय भएको छ ।