काठमाडौं – नेक्सस क्रिकेट एकेडेमीको आयोजनामा एकेडेमी क्रिकेट लिग (एसीएल) यु–१९ टि–२० क्रिकेट प्रतियोगिता आयोजना हुने भएको छ ।

आयोजक नेक्सस क्रिकेट एकेडेमीले सोमबार पत्रकार सम्मेलनको आयोजना गरि प्रैतिया्ेगिता असोज २ गतेदेखि १५ गतेसम्म हुने जानकारी दिएको हो ।

प्रतियोगितामा नेपालभरका निजी क्षेत्रबाट सञ्चालनमा रहेका क्रिकेट एकेडेमीका गरि १६ टिमको सहभागीता रहनेछ । प्रतियोगितामा सहभागी १६ टिमलाई आयोजकले ४ समूहमा विभाजन गरेको छ ।

हरेक टिममा चार टोली रहेका छन् भने प्रत्येक टिमका शिर्ष २ टोली सेमिफाइनलमा प्रवेश गर्नेछन् । तालिकामा नकआउटका आधारमा हुने प्रतियोगिताको कुल लागत १५ लाखसम्म लाग्ने अनुमान रहेको टुनामेन्ट टाइरेक्टर प्रबल गौतमले बताएका छन् ।

तर, माथिल्लो मुलपनी क्रिकेट मैदानमा हुने प्रतियोगितामा मैदानको शुल्क राष्ट्रिय खेलकुद प्रतियोगि मिनाह गरेका कारण अन्य खर्च ११–१२ लाख लाग्ने गौतमले बताए ।

संविधान दिवसको अवसर पारेर हुनलागेको प्रतियोगितामा हरेक दिन २ खेल हुने आयोजकले जनाएको छ ।

तियोगिताको विजेताले १ लाख ५० हजार र उपविजेताले १ लाख पाउने छन् । यस्तै म्यान अफ दि सिरिज, उत्कृष्ट बलर, ब्याट्सम्यान र इमर्जिङ प्लेयरलाई पनि पुरस्कृत गरिने छ ।

यस्तै उत्कृष्ट ४ खेलाडीलाई नेक्ससले दिल्लीमा ६ महिनाको निशुल्क प्रशिक्षणको व्यवस्था मिलाएको छ भने अन्य पाँच खेलाडीलाई नेक्सस एकेडेमीले १ वर्षको निशुल्क प्रशिक्षणको अवसर पाउने छन् ।

त्यस्तै प्रतियोगिताका हरेक खेलाडी र अफिसियलका लागि ५ लाख बराबरको बिमा गरिएको आयोजकले जनाएको छ ।