काठमाडौं– राप्रपा(संयुक्त) का अध्यक्ष डा. प्रकाशचन्द्र लोहनीले ज्ञानेन्द्र शाहीमाथि भएको आक्रमणको डटेर सामना गर्नुपर्ने जनाएका छन् ।

डा. लोहनीले शाही भ्रष्टाचार विरोधी युवा नेता रहेको उल्लेख गर्दै उनले आयोजना गरेको पत्रकार सम्मेलनमा विद्यार्थीका नाममा नेकपाका अरिंगालले हमला गरेर सखाप पर्ने प्रयास गरेको बताएका छन् ।

सामाजिक सञ्जाल मार्फत डा लोहनीले यो आक्रमण फासिस्ट चरित्रको द्योतक भएको उल्लेख गर्दै यसको डटेर सामना गर्नुपर्ने उल्लेख गरेका छन् ।

‘नेपाली जनता अब अरिंगले धम्किबाट तर्सिने छैनन्’ डा. लोहनीले लेखेका छन् ।

आइतवार दिउँसो ललितपुरमा शाहीले आयोजना गरेको कार्यक्रममा झडप भएपछि उनको सुरक्षाका लागि भन्दै प्रहरीले नियन्त्रणमा लिएको थियो ।