काठमाडौंमा शनिबार बेलुका भूकम्पको धक्का महशुस भएको छ । बेलुका ८ः३४ बजे कीर्तिपुर आसपास केन्द्रबिन्दु भई चार रिक्टर स्केलको परकम्प गएको हो ।
यो भूकम्प नभई गोरखा भूकम्पको परकम्प भएकाे राष्ट्रिय भूकम्प मापन केन्द्रले जनाएको छ ।
यसअघि फागुन २ गते ताप्लेजुङको कञ्चनजङ्घा आसपास केन्द्रबिन्दु भएर ४.६ रिक्टर स्केलको भूकम्प गएको थियो ।
त्यसअघि गत माघ ८ गते काठमाडौँको थापाथली केन्द्रबिन्दु भई ३.३ रिक्टरको परकम्प गएको थियो । विसं २०७२ वैशाख १२ को ७.६ रिक्टर स्केलको गोरखा भूकम्पपछि हालसम्म ५११ परकम्प गएको केन्द्रले जनाएको छ ।
प्रतिक्रिया