काठमाडौं- डोल्पाबासीले भोग्नु परेको खानेपानी समस्यालगायतका समाचारलाई आजको अन्नपूर्ण पोस्टले प्राथमिकताका साथ छापेको छ ।

डोल्पाको त्रिपुरासुन्दरी नगरपालिका ३, सूँ गाउँमा खानेपानीको हाहाकार भएको छ । गाउँमा पानीका मुहान सुकेपछि स्थानीयले घोडामा बोकाएर टाडाबाट खानेपानी ल्याउनुपर्ने बाध्यता । त्यसमा पनि सीमित खानेपानीका मुहान भएकाले पानी भर्न घण्टौं लाइन बस्नुपर्ने बाध्यता रहेको छ ।

महाअभियोग लाग्ने भएपछि घुस प्रकरणमा मुछिएका अख्तियार दुरुपयोग अनुसन्धान आयोगका आयुक्त राजनारायण पाठकले राजीनामा दिएको, धनुषाको मिथिला नगरपालिका ३ हरिहरपुरस्थित मगरटोलकी ९ वर्षकी बालिकाको शव उखुवारीमा हत्या गरी जलाएको अवस्थामा फेला परेको, राजधानीका सामुदायिक विद्यालयका विद्यार्थी प्रतिवर्ष घट्दा पनि राज्यको लगानी बढिरहेकोलगायतका खबर मुख्य पृष्ठमा छापिएको छ ।