काठमाडौं – असार लागेको छ । झरी नपरेर गर्मी बढिरहेका बेला गायक भीम श्रेष्ठले भने झरी सम्झाउने गीत बजारमा ल्याएका छन् ।

‘अक्सर छाता छुट्ने गर्छ’ बोलको लोकशैलीको गीतमा भीम श्रेष्ठको स्वर सुन्न सकिन्छ भने रामहरि भेटुवाल र सन्दीप पुडासैनीका शब्द छन् । झरी सम्झाउने यो गीतमा सञ्जीव पुडासैनीको संगीत सुन्न सकिन्छ । यस्तै गीतमा सैलेन्द्रमान प्रधानको एरेन्ज छ ।

त्यसै गरी गीतको भिडियोमा प्रदीप लामा र अञ्जली अधिकारीले अभिनय गरेका छन् । भिडियोमा अञ्जली र प्रदीप प्रेममा हराएको देख्न सकिन्छ । यस्तै प्रविन भट्टको सम्पादन रहेको भिडियोलाई अनिल के मानन्धरले छायांकन र निर्देशन गरेका छन् ।

हेरौँ भिडियो: