सोलुखुम्बु– ८६ मेगावाट क्षमताको सोलुखोला दूधकोशी जलविधुत आयोजनाको निर्माणमा प्रयोग भएका स्काभेटरमा अज्ञात समूहले आगजनी गरेको छ ।

सोलुखुम्बुको सोलुदुधकुण्ड नगरपालिका–११ पिङ्गलाको भदौरे भन्ने ठाउँमा अज्ञात समूहले स्काभेटरमा आगजनी गरेको गरेको हो ।

अज्ञात समूहले निर्माण क्षेत्रमा रोकर राखिएको स्काभेटरमा शनिबार राति आगजनी गरेको जिल्ला प्रहरी कार्यालय सोलुखुम्बुले जनाएको छ ।

प्रहरीका अनुसार स्काभेटर आगजनी गरिएको क्षेत्रमा प्रेसर कुकर बम समेत फेला परेको छ ।

आगजनी भएका स्काभेटरबारे बुझ्न गएको प्रहरीको टोलीले घटनास्थलमा प्रेसर कुकर बम राखिएको देखेपछि डिस्पोजका लागि सेनालाई खबर गरिएको छ ।
उक्त बम डिस्पोज गर्न सुनसरीको इटहरीबाट नेपाली सेनाको बम डिस्पोजल टोली आउँदै गरेको जिल्ला प्रहरी कार्यालयले जनाएको छ ।