मुम्बई – बलिउड अभिनेत्री सनी लियोनी आगामी फिल्म ‘कोकोकोला’ का लागि मेहनत गरिरहेकी छिन् । उनले ‘पासवर्ड’ नामक एक नेपाली फिल्मको गीतमा पनि आइटम डान्स गरेकी छिन् । अहिले यी नायिकाले उत्तर प्रदेशमा बोलिने  सीख भाषा सिकिरहेकी छिन् ।

फिल्म निर्माता महेन्द्र धारीवालले अघिल्लो महिना शूटिङ गर्न लागेको यो फिल्म उत्तर प्रदेशमा आधारित छ । त्यसैका तयारीका लागि उनले त्यहाँको भाषा सिकिरहेकी छिन् ।

सनीले एक अन्तर्वार्तामा आफूलाई नयाँ कुरा सिक्न रुचि लाग्ने बताएकी थिइन् । उनले आफूले सीख भाषा सिकिरहेको र यसका लागि कडा मेहनत गरिरहेको बताइन् ।

लामो समयदेखि हिन्दी फिल्ममा काम गरिरहेकी सनी दक्षिण भारतीय फिल्ममा पनि आफ्नो नजर पारेकी छिन् । हरर कमेडी फिल्मका अलावा सनी दक्षिण भारतीय फिल्म ‘रंगीला’ र ‘वीरामादेवी’ मा पनि देखिँदैछिन् ।