काठमाडौं– अर्थमन्त्री डा. युवराज खतिवडाले उद्यम गर्न चाहने युवाहरुको लागी सरकारको कायम ब्याज दरभन्दा ५ प्रतिशत कम दरमा ऋण उपलब्ध गराउने बताएका छन् ।

बिहाबार काठमाडौमा आयोजित कार्यक्रमलाई सम्बोधन गर्दै मन्त्री खतिवडाले २०७६/७७को बजेटमा उक्त विषय उल्लेख भएको जिकिर गरेका छन् । मुलुकमै केही गरु भन्ने चाहना भएका युवाहरुको भावनालाई समेटेर कार्यक्रम ल्याउन लागिएको मन्त्री खतिवडाले बताए । मन्त्री खतिवडाले भने “अब मुलुक रेमिटेन्सले होईन आफनै अर्थतन्त्रले धान्छ, विदेश जान लागेका र विदेशवाट फर्किएर आएका युवाको लागी आफनै मुलुकमा उद्यम गर्न व्याज दरमा विशेष छुट दिइनेछ ।”

आउँदो जेठ १५ गते सार्वजनिक हुने आगामी वर्षको बजेट बारे जानकारी दिँदै मन्त्री खतिवडाले अबको बजेट नेपालको मौलिक बजेट हुने बताए । अघिल्ला बजेटहरु विदेशबाट कपी पेस्ट भइरहको आरोप लागिरहेका बेला मन्त्री खतिवडाले यसपटकको बजेटमा नेपालको विषेश मुद्दाहरुको सम्बोधन हुने वश्वास व्यक्त गरे ।