कास्की– समाचार लेखेकै कारण पत्रकार अर्जुन गिरी पक्राउ गरिएकोमा विरोधमा पत्रकार महासंघ कास्कीले बुधबार पोखराबाट प्रकाशित हुने सबै पत्रिका कालो कोलममा प्रकाशित गर्ने निर्णय गरेको छ ।

पत्रकार महासंघ कास्कीले पोखराबाट प्रकाशित हुने सबै पत्रिकाहरुमा सम्पादकीय कोलममा कालो पोत्ने, रेडियो र टेलिभिजनमा बिहान ६ बजे करिब डेढ मिनेट समय प्रशारण बन्द गर्ने र अनलाईनहरुमा कालो ब्यानर राख्ने निर्णय गरेको हाे ।

तान्डव न्यूज साप्ताहिक तथा अनलाइनमा बतास अर्गनाइजेसनका सञ्चालक विपेन्द्र बतासले ठूलो रकम ठगी गरेको जाहेरी परेपछि गिरीले त्यसैलाई आधार बनाएर समाचार लेखेका थिए ।

सोही विषयलाई लिएर जिल्ला प्रहरी कार्यालय कास्कीले पत्रकार गिरीलाई साइबर अपराधमा पक्राउ गरी काठमाडौं पठाएको थियो ।

केन्द्रीय अनुसन्धान व्यूरो (सीआईबी)ले यस विषयमा अनुसन्धान जारी राख्दै  उनलाई  गएराति तारेखमा रिहा गरेको थियो ।