काठमाडौं– नेपाल कम्युनिष्ट पार्टी (नेकपा)का नेता वामदेव गौतमले नेपालको विकास र सम्मृद्धिले आगामी ५ वर्षमा भारत र १० वर्षमा चीनलाई छुने दाबी गरेका छन् ।

राष्ट्रिय युवा संघ नेपालको केन्द्रीय सदस्यहरुको सपथग्रहण कार्यक्रमलाई शनिबार राजधानीमा सम्बोधन गर्दै उनले छिमेकी देशको आर्थिक विकासलाई छुने गरि मुलुक विकासको गतिमा अघि बढेको बताएका हुन् ।

गौतमले जनताको मतबाट समाजवाद निर्माण गरेर देखाउने पनि दाबी गरे।

विगतमा बुद्ध र सगरमाथाको नाममा नाम कमाउने काम भएको उल्लेख गर्दै अब भने समाजवाद निर्माण गरेर नेपालले विश्वसामु नाम कमाउने उनले दाबी गरे ।

‘जनताको मतबाट समाजवाद निर्माण गरेर देखाउँछौ, ५ बर्ष सम्म राम्रोसंग काम गर्न पायौ भने ५ बर्षमा भारतलाई हामीले छुन्छौ’ उनले भने, ‘१० बर्षमा चीनलाई छुन्छौ, हामी यही बाटोमा अघि बढेर समाजवाद निर्माण गरेर देखाउँछौ।’