काठमाडौं– प्रभु बैंक लिमिटेडले जारी गरेको ‘१०.२५ प्रतिशत प्रभु बैंक डिबेञ्चर–२०८६’ एक अर्ब रुपैयाँ बराबरको ऋणपत्र बाँडफाँड भएको छ ।

१० वर्षको भुक्तानी अवधिको ऋणपत्र शुक्रबार बाँडफाँड गरिएको हो । कात्तिक २१ देखि सार्वजनिक निष्काशन गरिएको ऋणपत्रका लागि न्यूनतम २५ कित्ता र अधिकतम ४ लाख कित्तासम्मको लागि आवेदन माग गरिएको थियो ।

कूल एकअर्बको डिबेञ्चरमध्ये ४० करोड रुपैयाँबराबरको ४० लाख कित्ता सर्वसाधारणहरुका लागि र ६० करोड रुपैयाँबराबरको ६० लाख कित्ता ऋणपत्र परिपत्र विधिबाट संस्थागत र व्यक्तिहरुलाई बिक्रीका लागि आवेदन माग गरेको थियो ।

छिटोमा कार्तिक २५ गते र ढिलोमा मंसिर २० मा बन्द हुने गरी गत २१ गते निष्काशन गरेको थियो ।