काठमाडौं– चार दिने नेपाल भ्रमण पूरा गरि बंगलादेशका राष्ट्रपति मोहम्मद अब्दुल हमिद आज (शुक्रबार) स्वदेश फर्किँदै छन्।

स्वदेश प्रस्थान गर्नुअघि उनले चन्द्रागिरी र पाटन दरबार स्क्वायर अवलोकन गर्ने भएका छन् । विहान ११ बजे चन्द्रागिरी र दिउँसो १ बजे पाटन दरबार स्क्वायर घुमेर उनी आज अपराह्न ४ बजे बंगलादेश प्रस्थान गर्ने छन् ।

गत मंगलबार काठमाडौं आएका बंगलादेशका राष्ट्रपति हमिदले बुधबार दिनभर उच्चस्तरीय भेटवार्तामा व्यस्त भए । वहीवार विहान पोखरा पुगेका उनले फेवातालमा जलविहार गर्नुका साथै रुपाकोटबाट दृश्यावलोकन गरेका थिए ।

राष्ट्रपति हमिद स्वदेश प्रस्थानका लागि आज अपराह्न सवा ४ बजे त्रिभुवन अन्तर्राष्ट्रिय विमानस्थल पुग्ने कार्यक्रम छ । परराष्ट्र मन्त्रालयअनुसार उनलाई विमानस्थलमा राष्ट्रपति विद्यादेवी भण्डारीले विदाई गर्ने कार्यक्रम छ।