काठमाडौं-  अख्तियार दुरुपयोग अनुसन्धान आयोगका आयुक्त राजनारायण पाठकले राजीनामा दिएका छन् । उनले आज( शुक्रवार) राष्ट्रपति कार्यालयमा राजीनामा बुझाएका छन् ।

घुस लिएको भिडियो सार्वजनिक भएको भन्दै सत्तारुढ दल नेकपाले महाभियोग लगाउने तयारी गरेपछि उनले राजीनामा दिएका हुन् ।

भक्तपुरको चाँगुनारायणस्थित नेपाल इन्जिनियरिङ कलेजको जग्गा विवाद मिलाइदिने भन्दै ७८ लाख रुपैयाँ घुस लिएको विवरण भिडियोमार्फत् सार्वजनिक भएसँगै उनले पदबाट राजिनामा नदिए महाअभियोग सामना गर्नुपर्ने नेकपाका नेता योगेश भट्टराईले विहीवार चेतावनी दिएका थिए ।

घुस प्रकरणमा मुछिएका आयुक्त पाठकले इन्जिनियरिङ कलेज सञ्चालक समितिका अध्यक्ष लम्बोदर न्यौपानेसँग २०७४ भदौमा उक्त घुस लिएको बताइएको छ ।