रुस– १ सय ५७ जनाको ज्यान जानेगरी इथियोपियन एयरलाइन्सको बोइङ ७३७ म्याक्स ८ विमान दुर्घटनाग्रस्त भएको एक साता नबित्दै सुदूर उत्तरी रुसमा अर्को बोइङ ७३७ म्याक्स ८ विमानको इन्जिनमा खराबी आएपछि आकस्मिक अवतरण गरिएको छ ।

साइबेरियाको दुर्गम मिर्नी शहरबाट राजधानी मस्कोका लागि १ सय ५७ जना बोकेर उडेको विमानको इन्जिनबीच आकाशमै गडबडी भएपछि साय्कट्याभ्कर शहरमा आकस्मिक अवतरण गरिएको रुसी सञ्चारमाध्यमले जनाएका छन् ।

इन्जिनमा खरावी आएपछि विमानलाई आकस्मीक अवतरण गरिएको भनिएपनि के कारणले इन्जिनमा खराबी आएको भन्ने स्पष्ट नभइसकेको बताइएको छ ।

विमान हीरा खानी सञ्चालन गर्ने कम्पनी अल्रोजाको नाममा दर्ता रहेको रुसी सञ्चारमाध्यमले जनाएका छन् ।