मिस वर्ल्ड नेपाल २०१९ विजेता अनुष्का श्रेष्ठले आफूलाई चिनाउने परिचयात्मक भिडियो सार्वजनिक गरेकी छिन् ।

अनुष्का श्रेष्ठको युट्युब च्यानलमार्फत सार्वजनिक गरिएको भिडियोमा फोइसिलको संगीत रहेको छ भने विकास पाण्डे, दर्शन पोखरेल र आदित्य जंग राणाको छायांकन छ ।

नेपाल टुरिजम बोर्डको सहयोगमा बनेको भिडियोमा नेपालका विभिन्न पर्यटकीय स्थल, संस्कृति र हिम श्रृङ्खलालाई देखाइएको छ ।

मिस वर्ल्ड नेपाल अनुष्का श्रेष्ठले डिसेम्बरमा हुने मिस वर्ल्डको ६९ औँ संस्करणमा सहभागिता जनाउनेछिन् ।

मिस वर्ल्ड २०१९ को यो संस्करण १४ डिसेम्बरमा लण्डनमा हुँदैछ । अनुष्का श्रेष्ठले नेपालका तर्फबाट मिस वर्ल्डमा सहभागिता जनाउनेछिन् ।