काठमाडौं- दाजु तथा दिदीबहिनीबीचको प्रेमको प्रतीकका रूपमा रहेको सामा–चकेवा पर्व थारु समुदायले हर्षोल्लासका साथ मनाएका छन् ।

समा–चकेवा पर्वको अन्तिम दिन परम्परा अनुसार दिदीबहिनीहरुले सामा–चकेवा र सात भाइलाई सेलाउनुका साथै चुगला र वृन्दावनलाई पूर्णरूपमा जलाई दाजुभाइलाई मिठो परिकार खुवाई सम्पन्न हुन्छ ।

कात्तिक शुक्ल द्वितीयाबाट शुरु भएको यो पर्वका अवसरमा सोही दिनदेखि प्रत्येक दिन सूर्योदय अघि नुहाएर शुद्ध खाना खाई पूर्णिमाको राति सामा–चकेवा सेलाएपछि पर्व समापन हुन्छ ।

काठमाडौमा बस्दै आएका मधेसी तथा थारु समुदायले सांस्कृतिक भेषभूषामा सजिएर सामा चकेवा पर्व मनाएका हुन् ।

भाइटीकाको भोलिपल्टदेखि कात्तिक पूर्णिमासम्म मनाइने यो पर्वमा दिदीबहिनीहरुले माटोका विभिन्न मुर्तिहरु समाचकेवा, सतभैया, चुगला, चराचुरुङ्गी, वृन्दावन लगायतका आकृती बनाएर खेल्ने गर्दछन् । सामा चकेवा पर्वका अवसरमा काठमाडौंको माइतीघर मण्डलामा विशेष पूजाआजा गरिएको थियो । केही तस्वीर