एजेन्सी – पेरिस सेन्ट जर्मन तथा ब्राजिलका स्टार खेलाडी नेयमार फेरि घाइते भएका छन् ।
आइतवार राति भएको ब्राजिल र नाइजेरियाबीचको अन्तर्राष्ट्रिय मैत्रिपूर्ण खेलका क्रममा नेयमारले चोट व्येहोरेका हुन् ।
नाइजेरियाविरुद्धको खेलका क्रममा उनलाई चोट लागेपछि १२ औं मिनेटमा उनी मैदानबाट बाहिरिएका थिए ।
स्टार खेलाडीले खेलको शुरुवातमै चोट बोकेपछि दबाबमा रहेको ब्राजिलका लागि नेयमारको स्थानमा फिलिपे कौटिन्हो मैदान प्रवेश गरेका थिए ।
नेयमारको ‘मसल इन्जुरी’ भएको समाचारहरुमा बताइएको छ । सिंगापुरको राष्ट्रिय रंगशालामा भएको उक्त खेलमा ब्राजिलले नाइजेरीयासँग १–१ बराबरी भएको थियो ।
प्रतिक्रिया