मुम्बई – जतिबेला देखि प्रभास र श्रद्धा कपूरको फिल्म ‘साहो’ को घोषणा भएको थियो, त्यतिबेला देखि नै यो फिल्मको चर्चा छ । ट्रेलर रिलिजपछि त फिल्मको अझ बढी चर्चा भइरहेको छ ।

फ्यानले यो फिल्मको लामो समयदेखि प्रतीक्षा गरेका छन् ।

फिल्मले रिलिजभन्दा पहिले नै ३ सय करोड भारु कमाइ गरिसकेको छ । भारतीय मिडियाका अनुसार यो कमाइ सबै भाषामा दिइएको राइटसबाट भएको हो । यसमा स्याटलाइट र वेब प्लेटफर्मको राइटस् जोडिएको छ ।

फिल्मले वेब र टिभी राइटस् विक्री गरेपछि अझै बढी कमाइ गर्ने अनुमान गरिएको छ । अड्कल त केसम्म गरिएको छ भने यो फिल्म यस वर्षको सबैभन्दा बढी कमाइ गर्ने फिल्म बन्न सक्छ ।

फिल्ममा प्रभास र श्रद्धाका अलावा निल नितिन मुकेश, चंकी पाण्डे, ज्याकी श्राफ, मन्दिरा बेदी लगायतका कलाकारको अभिनय रहेको छ ।

सिनेमा घरमा ‘साहो’ ३० अगस्तदेखि प्रदर्शनमा आउँदैछ ।