काठमाडौं – पेरिस सेन्ट जर्मेन (पीएसजी) ले आफ्ना स्टार खेलाडी नेयमारको मूल्य तोकेको छ । स्पेनीस क्लबहरुका लागि खेलाडी सरुवा बजार खुल्ला रहँदा नेयमारका लागि स्पेनका दुई शीर्ष क्लब रियल मड्रिड र बार्सिलोनाले आफ्नो क्लबमा आवद्ध गर्ने गरी प्रतीस्पर्धा गरिरहँदा पीएसजीले नेयमारको मूल्य २सय५० मिलियन युरो मागेको छ ।

रियल र बार्सिलोनाले नेयमारका लागि रुचि देखाइरहँदा नेयमार क्याटलन क्लब बार्सिलोना फर्किने योजनामा रहेका छन् । २०१७ मा बार्सिलोनाबाट कीर्तिमानी मूल्यमा पीएसजी पुगेका नेयमारका लागि पीएसजीले छाड्न पनि कीर्तिमानी मूल्यमागेको हो ।

तर, बार्सिलोनाले १सय मिलियन भन्दा केही बढी र २ खेलाडी पीएसजीलाई दिएर नेयमारलाई क्लबमा भित्र्याउने तयारी गरेको छ ।