एजेन्सी–युईएफए च्याम्पियन्स लिग अन्र्गतको बुधबारको खेलमा टोटेनहम हट्स्परले बोरुसिया डर्टमुन्डलाई ३–० ले पराजित गरेको छ ।

पहिलो हाफ निक्कै प्रतिस्पर्धात्मक भएपनि हर्टमुन्डले टोटेननहमलाई सम्हाल्न सकेन।

सुरुवाती खेलमा टोटनहमलाई केही दबाबमा राखेको डर्टमुन्डले पहिलो हाफ गोलरहित बराबरीमा खेल्यो । तर, दोस्रो हाफमा सम्हालिन नसक्दा डर्टमुन्ड ३–० ले पराजित हुनुपर्‍यो ।

खेलको दोस्रो हाफमा ह्युङ मिन सनले जान भटोन्घनको क्रसमा उत्कृष्ट गोल गरे । दोस्रो हाफको सुरुवाती मै अग्रता लिएको टोटेनहमले खेलका ८३ औ मिनेटमा अर्को गोल गर्‍यो । सर्ज औरियरको क्रमलाई उचित सदुपयोग गर्दै भर्टोन्घनले दोस्रो गोल गरेका थिए ।

त्यसपछि खेल सकिनै लाग्दा फर्नान्डो लोरेन्टेले क्रिस्टियन एरिक्सनको कर्नरलाई गोलमा परिणत गरिदिए । योसँगै डर्टमुन्ड ३–०ले पराजित भयो ।

यो लेग अन्तर्गत दोस्रो खेल डर्टमुन्डको घरेल मैदानमा हुनेछ । खेल आगामी मार्च ५ मा हुनेछ ।