काठमाडौं – निर्देशक अनीस बज्मीको सुपरहिट फिल्म ‘भुलभुलैया’ को सिक्वेल निर्माणको तयारी भइरहेको छ । सन् २००७ मा प्रदर्शनमा आएको फिल्म ‘भुल भुलैया’ मा अक्षय कुमार र विद्या बालनले शीर्ष भूमिकामा अभिनय गरेका थिए ।

फिल्मको दोस्रो सिक्वेलमा लिड रोलमा कार्तिक आर्यनले अभिनय गर्ने भनिएको छ । एक रिपोर्टका अनुसार फिल्ममा अक्षय कुमारको पनि अभिनय रहने सम्भावना छ ।

अक्षय कुमारलाई फिल्ममा स्पेशल भूमिकामा देख्न सकिनेछ । तर यो बारेमा फिल्म निर्माण टिमले कुनै जानकारी दिएको छैन ।

यता निर्देशक अनीलस बज्मीले हालै जोन अब्राहम, अनिल कपूर र इलायाना डिक्रुजलाई लिएर फिल्म ‘पागलपन्ती’ बनाइरहेका छन् । यो फिल्म सकिएसँगै अर्को फिल्ममा ‘भुल भुलैया २’ को काम थालिने बताइएको छ ।