काठमाडौं– सामाजिक सञ्जालहरु फेसबुकमा समस्या आएको छ । समस्या आएसँगै फेसबुक , इन्सटाग्राम र ह्वाट्सएप चल्न बन्द भएको छन्। अन्तर्राष्ट्रिय सञ्चारमाध्यमका अनुसार विश्वका अधिकांश स्थानमा सामाजिक सञ्जाल फेसबुक र फेसबुक कम्पनी अन्तर्गत रहेका ह्वाट्सएप र इन्स्टाग्राम पनि चल्न बन्द भएको हो ।

फेसबुकका साथै म्यासेन्जरमा पनि समस्या आएको छ । डेस्कटप, ल्यापटप र स्मार्टफोनमार्फत् समेत फेसबुकमा समस्या आएको छ ।
सामाजिक सञ्जालका प्रयोगकर्ताहरुले ट्विटरमार्फत् फेसबुक, इन्स्टाग्राम र ह्वाट्सएपमा समस्या आएको भन्दै हजारौँ पोष्ट गरिरहेका छन् ।

त्यसबाहेक अमेरिका, बेलायत, ग्रिस, युक्रेन, फिलिपिन्स, मोरक्कोलगायतका मुलुकमा समेत दूरसञ्चार सेवा प्रदायकहरुसमक्ष फेसबुक डाउन भएको भन्ने दशौँ हजार गुनासो आएको द डेली मिररले जनाएको छ ।

फेसबुक डाउन भएको यो पहिलो पटक भने होइन । यसअघि पनि बेला बेला फेसबुक चल्न बन्द हुने गरेको छ । यद्यपि फेसबुक चल्न बन्द हुनुको कारण भने हालसम्म थाहा हुन नसकेको बताइएको छ ।