काठमाडौं – सर्जियो रामोसको कीर्तिमानी खेलमा स्पेनले युरो कप छनोटमा नर्वेसँग बराबरी खेलेको छ । गएराति भएको खेलमा स्पेनले नर्वेसँग १–१ गोलको बराबरी खेल्दै अंक बाँडेका हुन् ।

समुह एफमा शीर्ष स्थानको स्पेनले ७ खेलबाट १९ अंक बटुलेको छ । स्पेन तेस्रो स्थानको रोमानियासंग ६ अंकको लिएको छ । नर्वे १० सहित चौथो स्थानमा छ ।
शनिबारको रामोसले स्पेनिस फुटबल ईतिहासमा नयाँ कीर्तिमान रचे ।

उनले स्पेनको राष्ट्रिय फुटबल टिमबाट सर्वाधिक खेल खेल्ने कीर्तिमान कायम गरे । उसले स्पेनबाट १ सय ६८ क्याप जिते ।

यसअघि ईकर कासिलासको नाममा सो कीर्तिमान रहेको थियो ।

रियल मड्रिडका ३३ बर्षीया स्टार खेलाडी रामोसले सन् २००५ मा स्पेनबाट डेब्यु गरेका थिए । उनले स्पेनको स्वर्णिय युगको समय विश्वकप र दुई युरो कपको उपाधि उचालेका थिए ।

रामोस अब ईजिप्टका मिडफिल्डर अहमेद हसनको १ सय ८४ खेलको विश्व कीर्तिमानतर्फ अघि बढेका छन् ।