जनकपुर – जनकुपरको नगर क्षेत्रबाट मंगलबार राति करिव १ बजे करिव १० जनाको समुहमा आएका डाकाहरुले लाखौंको धनमाल लुटेका छन् ।

जिल्ला प्रहरी कार्यालय धनुषाका प्रवक्ता डीएसपी दीपेन्द्र शाहीका अनुसार, जनकपुरधाम उपमहानगरपालिका पिडाडीस्थित शोभित राउतको घरबाट लुटेराले ५ लाख ५७ हजार नगदसहित सुनको गरगहनासमेत लुटेर लगेका हुन् ।

घरेलु हतियारसहित लुटपाट गर्न पुगेका डाँकाहरुको समूले कुटपिट गर्दा राउतकी श्रीमती निर्मला देवी र उनको घरमा डेरा गरेर बस्दै आएका विकास साह घाइते भएको प्रहरीले बताएको छ ।

घाइतेहरुको अहिले जनकपुरस्थित राम जानकी अस्पतालमा भइरहेको छ । घटनास्थलबाट मुजेलिया प्रहरी चौकी एक डेढ किलोमिटर रहेपनि प्रहरी ढिला गरी पुगेको पीडितहरुको आरोप छ ।