मुम्बई – शाहिद कपूरको आउँदो फिल्म ‘कबीर सिंह’ को ट्रेलर सार्वजनिक गरिएको छ । ट्रेलरमा शाहिद कपूरको एक प्रेमीका रुपमा देखिएका छन् । शाहिदको यो फिल्म सन् २०१७ मा रिलिज भएको तेलुगू फिल्म ‘अर्जुन रेड्डी’ को रिमेक हो । फिल्ममा शाहिदको अपोजिटमा कियारा आडवाणीले अभिनय गरेकी छिन् ।

फिल्मलाई सन्दीप बाङ्गाले निर्देशन गरेका हुन् । यो फिल्मलाई भुषण कुमारले निर्माण गरेका हुन् । ट्रेलर रिलिजपछि सामाजिक सञ्जालमा फिल्मको राम्रो प्रतिक्रिया आइरहेको छ । फ्यानले शाहिदको अभिनयको तारिफ गरिरहेका छन् ।

फिल्ममा कबीर सिंहको कहानी थोरै सन्की युवाको छ । जो सधै आफ्नो मनको कुरा सुन्ने क्यारेक्टर हो । दक्षिण भारतीय फिल्मले जबरजस्त कमाइ गरेको थियो ।

फिल्म जुन २१ मा रिलिज हुँदैछ ।