काठमाडौं– व्यायाम गरौ स्वस्थ्य बनौ भन्ने नाराका साथ शनिबार ललितपुरमा ‘रन फर फन’ कार्यक्रम गरिएको छ ।

पशुपतिनाथ मन्दिर संरक्षण तथा व्यवस्थापन समिति, लालीगुराँस युवा क्लब र क्लव अफ भैसेपाटीले संयुक्त आयोजना गरेको दौड प्रतियोगितामा ललितपुर महानगरपालिकाका मेयर चिरिबाबु महर्जन,वडाका जनप्रतिनिधि, विभिन्न संघ संस्थाका प्रतिनिधि लगायतको सहभागिता थियो ।

युवा युवतीका लागि प्रतियोगिता नै आयोजना गरिएको रन फर फनमा बालबालिका तथा अन्य उमेर समुहकाहरु पनि सहभागी थिए । दैनिक व्यायाम गर्नु स्वास्थ्यका लागि लाभदायक हुने संदेश सबैसमक्ष पुर्याउने उद्देश्यले गरिएको रन फर फनका लागि ५ किलोमिटर को दुरी तय गरिएको थियो ।

दौड प्रतियोगितामा पहिलो दोश्रो र तेश्रो हुने युवा युवतीलाई ललितपुरका मेयर चिरिबाबु महर्जनले प्रमाणपत्र र गणेशको मुर्ति प्रदान गरेका थिए । रनफर फन भैसेपार्टी आवास क्षेत्रबाट सुरु भई खोकना बुंगमति हुँदै पुन सोही क्षेत्रमा आएर समापन भएको थियो ।