अमेरिका– संयुक्त राष्ट्रसंघीय महिला आयोगको सम्मेलनमा सहभागि हुन अमेरिकाको न्यूयोर्कमा रहेकी राष्ट्रपति विद्यादेवी भण्डारी उच्चस्तरीय भेटवार्तामा सहभागि भएकी छिन् ।

संयुक्त राष्ट्रसंघीय महिला आयोगको ६२ औं सम्मेलनमा सहभागी हुन न्यूयोर्कमा रहेकी राष्ट्रपति भण्डारीले संयुक्त राष्ट्रसंघका महासचिव एन्टोनियो गुटरेज तथा संयुक्त राष्ट्रसंघ महासभाकी अध्यक्ष तथा इक्वेडोरकी पूर्व विदेशमन्त्री मारिया फर्नाण्डा एस्पिनोसा गार्सियससँग उच्चस्तरीय द्विपक्षीय भेटवार्ता गरेकी छिन् ।

त्यसबाहेक उनले इस्टोनियाकी राष्ट्रपति क्रेस्टी कालुलेइड तथा क्रोएशियाकी राष्ट्रपति कोलिन्दा ग्रेबार किटेरोभिचसँग पनि छुट्टाछुट्टै भेटवार्ता गरेकी छिन् । भेटवार्ताका क्रममा राष्ट्रपति भण्डारीले विश्वव्यापी मौसम परिवर्तन तथा महिला सशक्तीकरणका विषयमा जोड दिएको बताइएको छ ।

न्यूयोर्क भ्रमण सकेर राष्ट्रपति बिहिबार स्वेदश प्रस्थान गर्ने र शुक्रबार राजधानी काठमाण्डौँ आइपुग्ने कार्यक्रम छ ।