काठमाडौं- नेपालको चारदिने भ्रमणमा रहेका बंगलादेशका राष्ट्रपति अब्दुल हमिदले मंगलबार अपराह्न भक्तपुर दरबार स्क्वायरको अवलोकन गरेका छन् ।

हमिदले भक्तपुर दरबार स्क्वायरका ऐतिहासिक, सांस्कृतिक तथा पुरातात्विक सम्पदाको अवलोकन गरेका हुन् ।

उनलाई भक्तपुरका मेयर सुनील प्रजापति र उपमेयर रञ्जना जोशी लगायतले स्वागत गरेका थिए । भक्तपुरको न्यातपोल मन्दिर अवलोकनपश्चात उनले तौमडीमा साँस्कृतिक कार्यक्रमअन्तर्गत देवी नाचसमेत समेत हेरेका थिए ।

५२ सदस्यीय प्रतिनिधि मण्डलको साथमा उनी आज नेपाल भ्रमणमा आएका हुन्। नेपालमा रहँदा हमिदले समकक्षी भण्डारी, प्रधानमन्त्री केपी शर्मा ओलीसँग भेटवार्ता गर्नेछन्। भ्रमणकै क्रममा उनी पोखरा समेत पुग्नेछन् । हमिद शुक्रबार स्वेदश फर्कने छन्।