काठमाडौं– अब बैंकबाट दुई लाख रुपैयाँभन्दा बढीको भुक्तानीका लागि चेक काट्न नपर्ने भएको छ ।

राष्ट्र बैंकको भुक्तानी प्रणाली विभागले आइतवार अन्तर बैंक कारोबारमा पनि तत्कालै भुक्तानी हुने रियल टाइम ग्रस पेमेन्ट सिस्टम(आरटीजीएस) लागू गर्न बाणिज्य बैंकसँग सम्झैता गरेसँगै चेक काट्नु पर्ने बाध्यता अन्य भएको हो ।

राष्ट्र बैंकले भदौं १९ गते आरटीजीएस नियमावली ल्याएको थियो र २४ गतेदेखि कार्यान्वयन गर्न निर्देशन दिएको थियो ।
यससँगै २ लाख भन्दा माथिको भुक्तानी अब यो प्रणालीबाट गर्नुपर्ने छ ।

तर तत्कालका लागि भने २ लाख भन्दा माथिको भुक्तानीलाई अनिवार्य नगरी स्वेच्छिक गरिएको राष्ट्र बैंकको भुक्तानी प्रणाली विभागका कार्यकारी निर्देशक बमबहादुर मिश्रले बताए ।

कसरी साट्ने रकम ?

अहिले कसैलाई दुई लाख वा त्यसभन्दा माथिको चेक दिने हो भने त्यही बैंकको भए त्यही दिन र अन्तर बैंकको चेक भए कम्तिमा पनि एक दिन लाग्छ तर यो पद्दती(आरटीजीएस) प्रणाली लागू भएसँगै चेकको आवश्यकता पर्दैन ।

भुक्तानी गर्ने खातावालाले अर्को कुनै बैंकको यो खाता नम्बरमा यति रकम भुक्तानी दिनु भन्ने व्यहोराको आदेश जारी गर्नासाथ रकम जान्छ ।