एजेन्सी– कार्यवाहक अमेरिकी रक्षामन्त्री प्याट्रिक सनहन इराकको राजधानी बगदाद पुगेका छन् । इराकमा रहँदा उनले प्रधानमन्त्री अदिल अब्दुल महदीलगतयत वरिष्ठ इराकी अधिकारीहरुसँग भेटवार्ता गर्ने कार्यक्रम छ ।

अमेरिकी राष्ट्रपति डोनाल्ड ट्रम्पले सिरियाबाट आफ्ना सेना फिर्ता बोलाउने घोषणा गरेपछि कार्यावाहक रक्षामन्त्री सनहन इराकको राजधानी बगदाद पुगेका हुन् । उनले त्यहाँ रहेका अमेरिकी सैन्य कमाण्डहरुसँग सिरियाबाट अमेरिकी फिर्ताका विषयमा पनि छलफल गर्ने बताइएको छ ।
यसअघि अमेरिकी राष्ट्रपति ट्रम्पले इरान मुख्य समस्या रहेकाले इरानलाई नजिकबाट नियाल्नका लागि इराकमा अमेरिकी सेनाको उपस्थिती अनिवार्य रहेको बताएका थिए । ट्रम्पको यो भनाइको इराकमा व्यापक आलोचना भएको थियो । सनहन यसअघि हिजोमात्रै अफगानिस्तान पुगेका थिए ।