काठमाडौं– मेलम्ची खानेपानी आयोजनाअन्तर्गत ललितपुरको ढोलाहिटीमा निर्माणाधीन खानेपानीको ट्याङ्कीमा एकजना मृत भेटिएका छन् ।
खानेपानी आयोजनाको ट्याङ्की निर्माणका ठेकेदार ४९ वर्षीय इश्वर महतो मृत फेला परेका हुन् । भारत बिहारको बेतिया घर भएका महतो बिहान ६ बजे ट्याङ्कीमा मृत फेला परेका हुन् ।
महानगरीय प्रहरी परिसर ललितपुरका प्रवक्ता एसपी गोविन्द थपलियाका अनुसार महतो ट्याङ्कीभित्र मृत फेला परेका थिए ।
प्रहरीले घटनाबारे थप अनुसन्धान गरिरहेको थपलियाले जानकारी दिए ।
महतोका आफन्तहरु काठमाडौंमा नभएकाले शवको पोष्टमार्टम हुन सकेको छैन । प्रहरीका अनुसार मृतक महतोका आफन्तहरु काठमाडौंका लागि घरबाट हिँडिसकेका छन् ।
प्रतिक्रिया