काठमाडौं– एक डाक्टरको भागमा १२ सय बिरामी, पालो पाउन घण्टौं कुर्नुपर्ने शीर्षकमा आजाको राजधानीले पहिलो पृष्ठमा समाचार छापेको छ ।

दूरदराजका गाउँमा त अझै डाक्टर उपलब्ध हुनै मुस्किल छ । उपलब्ध भएका डाउँमा पनि बिरामीले डाक्टरको उपचार पाउन निकै कठिन हुने गरेको छ ।

नेपाल मेडिकल काउन्सिलका अनुसार देशभर २३ हजार ७ सय ५१ डाक्टर छन् । जसअन्तर्गत २१ हजार ३३ मेडिकल डाक्टर, २ हजार ७ स य१८ डेन्टल डाक्टर छन् ।

त्यस्तै पत्रिकाले सर्वोच्चमा राजनीतिक पहुँचका भ्रष्टाचार मुद्दाको चाङ, पेसी चढ्छ, न्यायाधीशको इजलासमा मात्रै घुम्छ शीर्षकमा अर्को समाचार छापेको छ । पहिलो पृष्ठको अर्को समाचार पनि भ्रष्टारसँगै सम्बन्धित छ । ट्राफिक चेकिङमै सबैभन्दा बढी घुस चल्ने गरेको समाचार छापेको छ ।

त्यस्तै पत्रिकाले बढी विषादी विक्री गर्नेलाई एक लाख जरिवाना हुने समाचार पृष्ठ ९ मा छापेको छ । कृषि उत्पादन बढाउनका लागि हदबन्दीभन्दा बढी विषादी विक्री वितरण गर्नेलाई १ लाख रुपैयाँ जरिवाना गरिनेछ ।