काठमाडौं- पाचौ संस्करणको साफ महिला च्याम्पियनसिप फुटबल प्रतियोगिता आज (म‌ंगलबार)देखि शुरु हुँदैछ। विराटनगरमा हुने प्रतियोगिता अन्तर्गत आजको खेलमा नेपाल र भुटान भिड्दैछन् ।

आजको उद्घाटन खेलमै जीत दर्ता गराउने योजनासहित नेपाली टोली मैदानमा उत्रँदैछ । नेपालमा उपत्यका बाहिर हुने पहिलो ठूलो प्रतियोगिता साफ रहेको र यसमा नेपाली टोलीलाई बलियो टीमका रुपमा लिइएको छ ।

शहीद रङ्गशालामा हुने सो प्रतियोगिता आगामी चैत ८ गतेसम्म चल्नेछ । प्रतियोगितामा नेपाल, भारत, भुटान, बङ्गलादेश, मालदिभ्स र श्रीलङ्काको राष्ट्रिय महिला फुटबल टोलीको सहभागिता रहनेछ ।

प्रतियोगिताको समूह ‘ए’ मा नेपाल, भूटान र बङ्गलादेश तथा समूह ‘बी’ मा भारत, श्रीलङ्का र मालदिभ्स छन्।

नेपालले आफ्नो समूह चरणको दोस्रो खेल भने मार्च १६ तारिखमा बंगलादेशसँग खेल्दैछ ।