एजेन्सी– चिनियाँ राष्ट्रपति सी चिनफिङ आज भारत जाँदैछन् ।

भारतीय प्रधानमन्त्री नरेन्द्र मोदीसँगको शिखर वार्ताका लागि सी आज दिउँसो भारतमा अवतरण हुने भारतीय सञ्चारमाध्यमहरुले जनाएका छन् ।

चेन्नाइको नजिक ममल्लापुरममा मोदी–सीबीच शिखर बैठक हुने तय भएको छ ।

त्यसका लागि मोदी विहान ११ बजे नै चेन्नाइ पुगेका छन् । सी दिउँसो २ बजे चेन्नाइ अवतरण गर्ने कार्यक्रम रहेको भारतीय सञ्चारमाध्यमहरुले जनाएका छन् ।

त्यहाँबाट दुबै नेता बेलुका साढे पाँच बजे ममल्लापुर जाने कार्यक्रम रहेको छ ।

मोदी–सी शिखर बैठक अनौपचारिक हो । उक्त बैठकमा कुनै सम्झौतामा हस्ताक्षर नहुने भारतीय सञ्चारमाध्यमहरुले जनाएका छन् ।

मोदीसँगको शिखर बैठक समापन गरेर सी भोलि(शनिवार) नेपाल आउने कार्यक्रम रहेको छ ।