काठमाडौं– नेपाली राष्ट्रिय क्रिकेट टोली स्वदेश फर्किएको छ ।

ओमानमा ५ राष्ट्र सम्मिलित टी ट्वान्टी क्रिकेट सिरिज खेलेर टोली शुक्रवार विहान स्वदेश फकिएको हो ।

स्वदेश फर्किने क्रममा विमानस्थलमा सञ्चारकर्मीसँग कुरा गर्दै कप्तान पारस खड्काले सिरिजमा राम्रो नतिजा ल्याउन सकिने भएपनि चुकेको बताए । उनले युवा खेलाडीलाई टोलीमा अवसर दिने प्रयास गरेको बताए ।

टी ट्वान्टी सिरिजमा नेपालले तस्रो स्थान हात पारेको थियो । नेदरल्याण्ड र हंङकङलाई पराजित गरेको नेपाल ओमान र आयरल्याण्डसँग हारेको थियो ।

ओमान जानु अघि नेपाली टोलीले सिंगापुरमा त्रिकोणात्मक टी ट्वान्टी सिरिज खेलेको थियो । जसमा नेपालले जिम्बाबेसँग खेलिएका दुबै खेल गुमाएको थियो ।

त्यस्तै सिंगापुरलाई एउटा खेलमा नेपालले हराएको थियो भने अर्को खेल वर्षाले रद्द भएको थियो । सिंगापुरको सिरिज समाप्तिसँगै टोली ओमान प्रस्थान गरेको थियो ।