काठमाडौं– बीपी कोइराला स्वास्थ्य विज्ञान प्रतिष्ठान, धरानका उपकुलपति प्रा.डा. राजकुमार रौनियार घुससहित पक्राउ परेका छन्।

अख्तियार दुरुपयोग अनुसन्धान आयोगको टोलीले डा रौनियारलाई सेवाग्राहीसँग लिएको आठ लाख रुपैयाँ घुससहित पक्राउ गरेको हो।

उपकुलपति रौनियार र डा. रामहरी रौनियारले प्रतिष्ठानको भवन निर्माणको ठेक्कामा कमिशन वापत सेवाग्राहीसँग सो रकम लिएको अख्तियारले जनाएको छ।

धरानस्थत उपकुलपतिको कार्यकक्षबाटै रङ्गेहात पक्राउ परेका अभियुक्तद्वयमाथि थप अनुसन्धान भइरहेको अख्तियारले जनाएको छ।
आयोगले रौनियार बिरूद्व उजुरी परेपछि उनलाई रंगेहात समाउने योजना बनाएको थियो।
पक्राउ परेका दुबैजना आयोगको हिरासतमा रहेका दुबै बिरूद्व थप अनुसन्धान थालिएको छ ।