काठमाडौं – नितिन चन्द निर्देशित फिल्म ‘गीत गजल’ आगामी असोज २४ गतेबाट नेपाल भरका सिनेमा घरमा प्रदर्शन हुने भएको छ । निर्माण टिमले फिल्मका पोस्टर सार्वजनिक गर्दै रिलिज मिति सार्वजनिक गरेको हो ।

सार्वजनिक पोस्टरमा फिल्मका अभिनेता रुप पोखरेल र अभिनेत्री आरोही सिंहलाई देख्न सकिन्छ ।

यस्तै फिल्ममा रश्मी भट्ट, विशाल पहाडी, ओम प्रतीक, आज्ञा करनजीत, सान्तवना भट्टराई, भिमा मैनाली बालकलाकार योगीशा खत्री, सुजल खानलगायतका कलाकारको पनि अभिनय देख्न सकिनेछ ।

फिल्ममा अस्मित पोखरेलको कथा, पटकथा तथा संवाद, बाबु श्रेष्ठ र सुरेश काफ्लेको छायांकन, अर्जुन पोखरेलको संगीत, निर्देशक नितिन चन्दको कोरियोग्राफी, उत्तम बनेपाली र तेन्जीन भुटियाको ड्रेस डिजाइन, सुदीप कुँवरको मुख्य सहायक निर्देशन, अर्जुन जिसीको सम्पादन छ ।