काठमाडौं– युरोप भ्रमणका क्रममा बेलायतमा रहेका प्रधानमन्त्री केपी शर्मा ओलीले मंगलबार उच्चस्तरीय राजनीतिक भेटवार्ता गरेका छन् ।

उनले बेलायती समकक्षी टेरिजा मे, लेबर पार्टीका नेता एवं विपक्षी नेता जेरेमी कोर्बेन, नेपाल हेर्ने संसदीय समितिका पदाधिकारीहरुसँग भेटवार्ता गरेका छन् ।

त्यस्तै, उनले बेलायती ड्युक अफ ससेक्स राजकुमार ह्यारीसँग समेत भेटवार्ता गरेका छन् । उनले बेलायतमा नेपाली दूतावासमा गैरआवासीय नेपाली सङ्गठन बेलायतका पदाधिकारी, पूर्वगोर्खा सैनिक सङ्गठनका प्रतिनिधि र प्रवासी नेपाली मञ्चका पदाधिकारीसँग भेटवार्ता गरी उनीहरुका विषमा चासो लिए ।

युरोप भ्रमणमा रहेका प्रधानमन्त्री ओली सोमबार राति बेलायत पुगसँगै उनको व्यस्त बढेको हो । बेलायत पुगेसँगै प्रधानमन्त्री ओलीले अक्सफोर्ड विश्वविद्यालयको युनियनको बहसमा समेत सम्बोधन गरेका थिए भने मंगलबार महत्वपूर्ण भेटवार्ता गरे । बेलायत भ्रमणका १५ तस्वीर यस्ता छन्–